الجذر الخفي للعلاقات المؤلمة

تجربتي مع عبير بالبداية كانت هي أول لايف كوتش فعليًا مسكتني الخط الصحيح للتعامل مع صدماتي ومشاعري والخربطة اللي كنت أعيشها بهديك المرحلة. كانت قادرة على إعطائي مساحة آمنة للعلاج وقت كنت فاقدة الأمان من الناس، وهذا شيء ضروري جدًا أن يلاقي الإنسان الأمان والرحمة وعدم الأحكام والقبول غير المشروط — عدا عن إخلاصها بالعطاء وكرمها بالجلسات ورقيها.

بعد مجموعة من الجلسات والمتابعة المستمرة من كوتش عبير، قدرت أتجاوز مراحل ومواقف صعبة كان ممكن تدخلني بحالات اكتئاب وأمراض جسدية. والجميل أنها ظلّت مستمرة بالتطمين عليّ لليوم. اليوم الحمدلله بقدر أحكي إني تطوّرت بشكل ملحوظ وتشافيت من صدمات قوية ومشاعر صعبة. شكرًا كوتش عبير على كل شي وعلى دعمك الصادق ❤️

كل شخص بيعاني من مشاكل بنسب متفاوتة، أنا من هالأشخاص. بالبداية كنت متردّد، تواصلت مع الكوتش عبير وكان هذا من أكثر قراراتي مفصلية إلى اليوم. أنا ممتنّ للكوتش — خصوصية تامة، تعطي مساحة كبيرة للمتكلم. من أول جلسة حسّيت تغيير داخلي، تعرّفت على نفسي الحقيقية اللي كنت مهملها من سنين.

كل سؤال بسأله بلاقي له جواب وافٍ ومقنع، شعور الطمأنينة ورضى داخلي تام، مواجهة أمور كثيرة كانت عائق بالنسبة لي. من خلال تجربتي مع أكثر من كوتش — الكوتش عبير الأصدق والأفضل، تحب مساعدة الناس وليست مادية أبدًا.

تجربتي مع الجلسات العلاجية سمّيتها جلسات بداية الحياة، وين كنت ووين صرت. بدون كلام منمّق، بيكفي إنّ الألم النفسي اللي كان واصل لآخر مرحلة صار يُترجم بأوجاع بالجسم — بطني، معدتي، وألم عند الأكتاف — كل إشي اختفى بدون مبالغة من أول جلسة حقيقة.

الحمدلله كثير سعيدة ومبسوطة باللي أنا فيه حاليًا، وصار عندي مبدأ: صحتي النفسية أهم من صحتي الجسدية. وبالنسبة لكوتش عبير، أحلى وأحسن حد انزرع بطريقي من رب العالمين. رقيّ بالتعامل، مريحة، بتحب شغلها ومتقنة عملها. باختصار لقيت حالي، وكانت أحلى رحلة مني إليّ بمساعدة كوتش عبير 🥰

الكوتش وصلت لأعمق مشاعري وخلّتني أطلّع كل شي بداخلي. إحساسي معها كثير جميل. مشاعري قبل كانت عبارة عن حزن عميق ومشاعر مبعثرة، بينما بعد ما أخذت معها الجلسات حسّيت بخفّة كبيرة بمشاعري وبجسدي، وحاسّة حالي بدي أطير 🥰

أسلوب الدكتورة لطيف جدًا، وعندها رقيّ ورحمة تخلّي الشخص يكون مبسوط ويحسّ إنه يتنفّس ويقدر يشوف الحياة من زاوية كلها حبّ وهدوء. كل الشكر والحب والسعادة لها ولكم ❤️

لم أكن أعلم أنّ الجلسات ستكون بهذا الشكل وبهذا العمق. الكوتش كثير منفتحة وتضع يدها على الجرح ومتّصلة، ونيّاتنا الصادقة تلاقت لإنجاح الجلسة. هي رحلة تأخذكِ إلى الذات، إلى أعماقكِ وطفولتكِ.

كثير من الأشياء كنت أظنّ أني نسيتها، لكن ما عشته في الطفولة ما يزال يتحكّم في واقعي رغم وعيي وفهمي. حاولنا تفريغها، وما هذه إلا البداية، ولا زالت الرحلة مستمرّة.

أجمل شي تعلّمته مع كوتش عبير هو أنوثتي. كنت مفكّرة إنّ جمالي وشكلي رح يغيّر كل حياتي، طول عمري بركض على الجيم والصالونات والتجميل عشان أشعر إني أنثى — لغاية ما إجا يوم الصدمة لمّا صار خلاف كبير مع زوجي وقال لي: «أنا حاسس إني عايش مع صاحبي، إنتي زلمة بجسم مرا». الكلمة نزلت قنبلة على قلبي وهزّت كل ثقتي بنفسي.

وما بعرف كيف بلحظة ربّنا حطّ الكوتش عبير بطريقي. شفت إنسانة مريحة بطريقة غريبة، قلت خليني أجرّب، وكانت أحلى خطوة أخذتها بحياتي. من وقت ما بدأت جلساتي معها حياتي انقلبت، زوجي بيقول لي: «إنتي شو صار لك؟ كأنّك وحدة جديدة». صرت حنونة وناعمة وفيّي شي بجنّن هههههه. جد ربي يحميكِ ويعطيكِ أضعاف. بحبّك كثير.